Kryetarja e LSI-së, Monika Kryemadhi, e ftuar në emisionin “Tempora” në Ora News, ka deklaruar se disa përfaqësues të opozitës, do të dërgojnë disa kampionë gjaku për analiza jashtë vendit, për të kuptuar çfarë helmi ka hedhur policia ditën e sotme në drejtim të qytetarëve dhe anëtarëve të opozitës.
Kryetarja e LSI deklaroi se, qytetarët dhe përfaqësuesit e opozitës, kanë patur simptoma helmimi, prej gazit të hedhur në drejtim të tyre, përfshirë të vjella, marrje mendsh dhe probleme me frymëmarrjen.
Gjatë protestës së sotme para Parlamentit policia dhe Garda nuk i kurseu sulmet e vazhdueshme me lëndë kimike, pavarësisht se përreth kishte fëmijë, gra shtatzana dhe të moshuar. Ndërsa nuk kanë munguar edhe raportimet për persona që kanë shfaqur probleme shëndetësore.
