Deputeti i PS-së në Gjirokastër, Flamur Golemi ka komentuar atë që ndodhi sot në Kuvend, ku kryetarja e LSI-së bëri skena shokuese, duke qëlluar me çizme, shishe e letra Kryeministrin Rama. Teksa publikon një video nga ky moment, Golemi thotë se opozita është e dëshpëruar nga nisja e zbatimit të reformës në drejtësi. Ja reagimi i tij i plotë.
Këto pamje nga seanca e sotme në Kuvend, janë fytyra e vërtetë e njerëzve që u digjet toka nën këmbë nga nisja e zbatimit të reformës në drejtësi. Besoj se çdo fjalë tjetër e imja nuk thotë dot më shumë sesa vetë këto pamje ku protagoniste është kryetarja e LSI-së, Monika Kryemadhi. I keqardhur që një pjesë e votave të shqiptarëve kanë shërbyer për të futur në Kuvend këtë takëm njerëzish, të cilët nuk njohin as etikë, as moral e as rregullore. Janë të dëshpëruar sepse po humbasin lidhjet okulte me sistemin e kalbur të drejtësisë dhe se nuk janë në gjendje të ofrojnë një alternativë për shqiptarët. Fali o Zot, se nuk dinë çfarë bëjnë!
