Kryetarja e Lëvizjes Socialiste për Integrim, Monika Kryemadhi, ka thënë se më 30 qershor nuk do të ketë vetëm zgjedhje lokale, por edhe parlamentare. Ajo thotë se sipas informacioneve që ka, më 30 qershor do të kemi zgjedhje të parakohshme.
“Nga gjithë informacionet që ne kemi e shikojmë që data 30 qershor do jetë ditë zgjedhjesh lokale e të përgjithshme”, tha Kryemadhi gjatë një takimi që ka mbajtur më sktrukturat e LSI-së në Gjirokastër.
Kryemadhi tha se Parlamenti tashmë është shpërbërë, ndaj zgjedhjet e parakohshme janë logjike.
Ajo ka kërkuar nga strukturat e LSI-së që të kontaktojnë socialistët e ndershëm, të cilët janë zhgënjyer nga “Rilindja”. Kryemadhi tha se ata mund ta kalojnë zhgënjimin, duke qenë pjesë e LSI-së, e cila kujdeset për anëtarët e vet.
