Kryetari i partisë “Mundësia”, Agron Shehaj akuzon kryetarin e “Shqipëria Bëhet”, Adriatik Lapaj se ka marrë përsipër regjistrimin e një prone miliona euroshe që kompania e Çopjave kishte blerë në bregdet
Gjatë një debati këtë mbrëmje në studion e “Top Story”, Shehaj vijoi replikat, duke thënë që vendimi për pronën, është dhënë nga vjehrri i Adriatik Lapajt, Alltun Çela, kur ky i fundit ishte kryetar i Gjykatës së Sarandës.
Nga ana tjetër, Lapaj mohoi çdo akuzë të Shehajt.
Shehaj: Këtë duan të zëvendësojnë Ramën, duke i bërë njerëzit më budallenj se sa i ka nxjerrë Rama.
Shehaj: Kanë një kurajo të jashtëzakonshme, kjo tregon që çështja është marrë nga vjehrri. Ky është dokument i marrë në website. Këta zotërinj i janë drejtuar gjykatës së Sarandës, pronarët që gjykata thotë janë të vërtetët.
Lapaj: Ti më akuzon mua për lekë krimi, me kë bën politikë ti? Duke më thënë mua këtë që kam marrë lekë krimi?!
Shehaj: Seancat e para i ka bërë vjehrri i Adriatikut, pastaj është ndryshuar. Për Adriatikun, kjo mund të jetë fare normale. Faktet janë që zotëria është i përlyer në një aferë, ku është i përfshirë vjehrri i tij, pronarët që kanë pasur pronën, ca personazhe të krimit. Pastaj, vjehrri tha hajdeni ju se unë…
Lapaj: Unë nuk mbaj përgjegjësi për asnjë në botë, përveçse për vajzën time. Ai zotëria ka gjykuar 12500 çështje. Unë nuk mund t’i hyj me lupë. Prona duhej regjistruar, familjarët kërkuan që shpenzimet e avokatit t’i mbulonte firma.
Shehaj: Nuk është të bësh avokatin, është të bësh sekserin. Si qenka rastësi, që kur doli blerësi, doli prona. Si qenka rastësi që avokati mori aq shumë para për atë shërbim.
Lapaj: Mos ma ngri mua zërin… Pasi unë kam lidhur prokurën dhe kontratën, kam filluar procedurat ligjore. Unë në 8.7.2022, I jam drejtuar një kompanie private të përmbaruesve gjyqësorë, ‘kërkojmë vënien në ekzekutim të urdhrit të ekzekutimit’… Atë hipotekë prone, nuk e ka dhënë vjehrri im.
