Që nga mëngjesi i ditës së sotme, ora 07:00 dhe për 24 orë, asnjë automjet nuk do të mundë të kalojë në kufirin Shqipëri-Greqi, për shkak se doganierët grekë janë përfshirë në grevën 24-orëshe që kanë shpallur sindikatat e vendit. Policia e Gjirokastrës njofton se e bllokuar do të jetë Kakavija dhe Tre Urat. Gjatë këtij intervali kufirin mund ta kalojnë vetëm këmbësorët që nuk do të kenë me vete bagazhe. Lëvizja normale rifillon të enjten në orën 07:00.
© ArgjiroLajm.net
