Moti i keq dhe stuhia e fortë kanë shënuar viktimën e parë në Vlorë. Vetrata e xhamit nga kati i dytë i një pallati është shkëputur nga era e për pasojë ka vdekur një kalimtar pranë Kishës Ortodokse. Viktima është identifikuar si Ramadan Kaçi, 67 vjeç i cili është transportuar menjëherë në spital por aty ka ndërruar jetë.
NJOFTIMI I POLICISË:
Më datë 17.03.2018, rreth orës 12:50, në lagjen ” 28 Nëntori”, në afërsi të Kishës Ortodokse, si pasojë e erës së fortë ka rënë një vetratë xhami e cila ka dëmtuar jashtë rrezikut për jetën shtetasin R.K., 67 vjeç, i cili ndodhet në Spitalin Rajonal Vlorë duke marrë ndihmë mjekësore.
Policia gjen rastin tu bëj thirrje të gjithë banorëve që të jenë shumë të kujdesshëm gjatë lëvizjes së tyre në këmbë, biçikletë apo automjete, si dhe të evitojnë lëvizjet e tyre të panevojshme deri në qetësimin e situatës meteorologjike. Gjithashtu luten që për çdo nevojë apo problem që do të kenë të telefonojnë menjëherë në numrat pa pagesë 112 dhe 129.
