Moti i keq gjatë natës ka shkaktuar probleme edhe në Gjirokastër. Reshjet e shiut kanë rritur nivelin në liqenin e Viroit në limite kritike. Nëse do niveli i ujit do të rritet edhe me 30 cm, atëhere rrezikon për përmbytet rruga nacionale Gjirokastër-Tepelenë. Probleme janë shënuar edhe në Zagori, Këlcyrë, Frashër e Dropull.
Sipas informacioneve të marra nga mbrojtja civile ne bashkitë e qarkut situata emergjente deri në këto momente. Gjendja e rrugëve nacionale në gjithë qarkun e Gjirokastrës është normale. Si rezultat i punës së firmave kontraktore që kanë në performancë rrugët nacionale ato janë në normalitet me përjashtim te aksit rrugor Këlcyre-Carshove në fshatin Kaludh Njësia Administrative Carshove bashkia Përmet ku vazhdon puna nga firma përgjegjëse. Në Bashkinë Gjirokastër situata është drejt normalizimit. Rrugët në njësitë administrative Lazarat dhe Lunxheri u zhbllokuan. Ne Njesine Administrative Lazarat mbetet problem përroi i Sopotit. Përsa i përket furnizimit me energji elektrike: Mungon energjia elektrike në njesine administrative Odrie bashkia Gjirokaster. Nga grupet e OSHEE vazhdojnë punën për eleminimin e difekteve. Probleme te tjera nuk ka. Prurjet e lumit Vjosa jane ne nivelet 2.6 m. Pika kritike e tij eshte 7 m.
