Një furgon ka rënë nga rruga e lumit të Vlorës në fshatin Vranisht. Për pasojë, një burrë është dëmtuar, duke iu thyer gjymtyrët e poshtme. Për shkak të bllokimit të rrugës, është i pamundur transportimi për në spital i të plagosurit. Ndaj, pritet ndërhyrja e një helikopteri për të bërë të mundur transportimin e të plagosurit.
Situata nga moti i keq në Vlorë
Ndërkohë, pas reshjeve të dëborës, aksi Vlorë-Llogara kalohet vetëm me zinxhirë. Dy akset Kotë-Sevaster dhe Kotë-Vranisht-Kuç, janë të vështira për t’u kaluar dhe është i domosdoshëm përdorimi i zinxhirëve.
Në këto akse ka prani të ngricave. Banorët kërkojnë ndërhyrjen e borëpastrueseve dhe mjeteve të rënda.
Shtabi i Emergjencës konfirmon se në këto akse problematike në 48 orët e ardhshme do të kalohet vetëm me automjete të pajisura me zinxhirë.
