Ditën e martë do të mbizotërojë mot me alternime vranësirash dhe kthjellimesh. Reshjet e shiut do të bëhen të pranishme prej orëve të mëngjesit në të gjithë vendin me intensitet të ulët e mesatar, njoftoi Shërbimi Meteorologjik Ushtarak.
Më tej reshjet do të përqendrohen në veri e qendër të territorit aty ku nuk do të mungojnë në formë të izoluar shtrëngatat dhe shkarkesat elektrike. Prej mesditës moti në përmirësim.
Era do të fryjë me drejtim Juglindje-Veriperëndim 1-7m/sek, në brigjet e Adriatikut deri 10m/sek në mesditë, duke u pasuar nga një valëzim i forcës 2.
Temperaturat do të pësojnë rënie. Më konkretisht:
në zonat malore 6°C deri në 17°C
në zonat e ulëta 8°C deri në 21°C
në zonat bregdetare 10°C deri në 23°C
