Mourinho ka gati përforcimin e parë portugez te Roma

Nga një portugez në stol te një portugez në portë. Roma po përgatitet të nënshkruajë me mbrojtësin ekstrem, i cili në këtë moment duket vërtet i pashmangshëm. Fjala është për portierin në pronësi të Wolverhampton, Rui Patricio. Siç raportohet nga “Sky Sport”, kjo do të jetë java vendimtare për “tymin e bardhë” të dëshiruar.
Ka pasur një afrim të fortë midis palëve të përfshira: “Ujqërit” nuk kanë lëvizur kurrë nga vlerësimi fillestar prej 15 milionë eurosh, por Roma planifikon ta mbyllë operacionin duke ofruar 10 milionë në dorë, plus 5 të tjera në formë bonusesh. Ka dhe një variant tjetër, 10 milionë plus një homolog teknik në këmbim.
Këtë informacion e përforcon shitja gjithnjë e më e mundshme e Pau Lopez te Marseja. Po kështu, francezët janë në bisedime me Cengiz Under, gjithashtu afër zbarkimit në Ligue 1. Gjatë javës, pra, të gjitha pjesët duhet të shkojnë në vendin e tyre. Rui Patricio e ka marrë rrugën drejt Romës. Hapi i parë, saktësisht me salcën luzitane, për epokën e re nga Josè Mourinho.