Skuadra italiane, Napoli, është duke insistuar vazhdimisht për transferimin e sulmuesit shqiptar, Armando Brojën.
Klubi italian ka shënjestruar bomberin kuqezi si pasardhësin e Victor Osimhen, për të cilin interesohet Manchester United.
Sipas asaj që shkruan “BBC”, drejtuesit e Napolit po ndjekin me interes 20-vjeçarin nga Malësia e Madhe, i cili është huazuar te Southampton këtë sezon, duke realizuar nëntë gola dhe një asistim në 36 ndeshje.
Transfermarket e vlerëson Brojën 18 milionë euro, por sigurisht që Chelsea do kërkojë më shumë për ta lënë të lirë, edhe pse duhen konfirmuar ndryshimet në pronësi për të nisur zyrtarisht bisedimet e shitjes.
Thomas Tuchel e vlerëson shumë yllin shqiptar dhe dëshiron ta ketë pjesë të ekipit në fazën përgatitore, me Brojën që do të provojë shanset e tij në “Stamford Bridge”, ku ka kontratë me blutë e Londrës deri në verën e vitit 2026.
Sulmuesi debutoi me kombëtaren shqiptare në shtatorin e vitit 2020, dhe deri tani ka realizuar tre gola në nëntë takime me kuqezinjtë e Edi Rejës.
Te Napoli e cilësojnë si zëvendësuesin perfekt të sulmuesit nigerian. Chelsea thuhet që mund të pranojë huazimin ose shitjen e Brojës, por kërkon të përfshijë një klauzolë riblerje në të ardhmen.
