Deputetja e PD-së Dhurata Çupi ka bërë sot publik lajmin e ndarjes nga jeta të ish-deputetit të PD-së, Idriz Xhomara. Ky i fundit duket se vuante prej kohësh nga një sëmundje e rëndë. Siç shkruan Çupi, ish-deputeti Xhomara ka dhënë një kontribut të madh për zhvillimin dhe demokratizimin e Matiti.
Mesazhi i deputetes së PD-së:
Një ikje e parakohshme, një largim që lë pas shumë dhimbje por edhe vlera. Sot mora lajmin e hidhur të ndarjes së parakohshme nga jeta të ish-deputetit Idriz Xhomara, i cili lë pas një kontribut të jashtëzakonshëm për zhvillimin e demokratizimin e Matit. Deputeti i përballjeve të drejtpërdrejta dhe i guximit Idriz Xhomara sot nuk është më mes nesh, pasi një sëmundje e papritur i mori jetën në moshën 68 vjecare. Përcjell ngushëllimet e mia familjarëve, gruas dhe fëmijëve për këtë humbje . Zoti u dhëntë forcë për ta përballuar. Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na le detyren për t’i vijuar.
Ngushëllime. U prehsh në paqe koleg i nderuar.
