Drejtoria Vendore për Kufirin dhe Migracionin Gjirokastër njofton për ndalimin e të tjerë klandestinëve. Së fundi janë ndaluar 10 shtetas të tjerë. Ata janë ndaluar në rrugën Jorgucat-Kakavije dhe te ‘Ura e Lumit’ në Gjirokastër. Më poshtë detaje nga operacioni policor.
Më datë 11.01.2018, në aksin rrugor Jorgucat-Kakavijë, janë kapur shtetasit J.O, A.T, SH.H, H.A, M.A, D.G e A.A, vjeç 48, 41, 30, 54, 26, 23 e 6, lindur në Palestinë, Siri, Siri, Palestinë e Siri, të cilët më datë 10.01.2018, te “Mulliri”, kanë kaluar kufirin shtetëror në mënyrë të paligjshme. Në përfundim të procedurave u proceduan me urdhër largimi vullnetar.
Më datë 11.01.2018, pranë DVKM Gjirokastër, te “Ura e Lumit”, janë kapur shtetasit A.C, H.N dhe E.A, vjeç 26, 31 e 28, lindur në Palestinë, Siri e Siri, të cilët te “Mulliri”, kanë kaluar kufirin shtetëror në mënyrë të paligjshme. Në përfundim të procedurave u proceduan me urdhër largimi vullnetar.
