Një orë xhepi prej ari, e cila i përkiste Isidore Strauss, njërit prej pasagjerëve të pasur të Titanikut, i cili vdiq më 14 prill 1912, do të dalë në ankand më 22 nëntor nga Henry Aldridge & Son, me një vlerësim deri në një milion paund. Ora u gjet nga trupi i tij disa ditë pas fundosjes së anijes.
Isidore Strauss, biznesmen amerikan i lindur në Bavari, politikan dhe bashkëpronar i dyqanit Macy’s në Nju Jork, udhëtonte me gruan e tij, Ida, kur Titaniku goditi një ajsberg dhe u fundos, duke marrë jetën e më shumë se 1,500 personave. Aida refuzoi një vend në një nga varkat e shpëtimit për t’ia mbajtur pranë burrit të saj; trupi i saj nuk u gjet kurrë.
Ora, një Jules Jurgensen 18 karatësh, ndaloi në orën 2:20 të mëngjesit kur anija po fundosej. Besohet se ka qenë dhuratë nga Ida për Isidoren në vitin 1888 dhe mban inicialet e tij të gdhendura. Pas gjetjes së trupit të Strauss, ora iu kalua familjes, derisa stërnipi i tij, Kenneth Hollister Strauss, e riparoi dhe e restauroi atë.
Ankandisti Andrew Aldridge nga Henry Aldridge & Son tha për BBC-në: “Me orën po ritregojmë historinë e Isidorit. Është një pjesë e mrekullueshme e kujtesës historike.”. Ora do të shfaqet në ankand së bashku me një letër të rrallë nga Aida, e shkruar gjatë udhëtimit, në të cilën ajo përshkruan luksin dhe ambientet e jashtëzakonshme të Titanikut: “Çfarë anijeje! Kaq e madhe dhe kaq madhështore e mobiluar,” shkroi ajo, letra e cila mban vulën postare “TransAtlantic 7” nga zyra postare e Titanikut. Henry Aldridge & Son do të ofrojnë të dy artikujt më 22 nëntor, me letrën e vlerësuar në 150,000 £. Ora pritet të bëhet një nga reliket më të shtrenjta të Titanikut që janë ofruar ndonjëherë në ankand.
Titanic gold pocket watch recovered from body of one of its richest passengers is set to fetch £1m – with time stopped at 2.20am, the time the ship disappeared under the water https://t.co/yVHJAqpv61
— Daily Mail (@DailyMail) November 12, 2025
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
