Ndërron jetë papritur kreu i PD Sarandë, Hariz Mema

Humbet jetën në spitalin e Sarandës, kryetari i PD-së, të degës së Sarandës, Hariz Mema. Ai ka ndërruar jetë në mënyrë të papritur gjatë natës. Sipas bluzave të bardha vdekja erdhi nga një infarkt akut. Mema është çua në spital nga familjarët, por nuk ka mundur që të mbijetojë. Hariz Mema drejtonte PD-në e Sarandës për 8 vite. Ai ka qenë gjithashtu edhe anëtar i këshillit bashkiak të Sarandës. Hariz Mema ishte njëherësh edhe biznesmen. Kishte një biznes disa vjeçar mobilerie. Në Sarandë njihet si person i drejtë dhe nuk kishte probleme me askënd.