Ish-bashkëshortja e këngëtarit Shpat Kasapi ka shpërndarë një reagim të thellë emocional pak pas ndarjes së tij nga jeta, duke publikuar një video ku këngëtari shihet duke mbajtur në krahë djalin e tyre, Roelin. Postimi është shoqëruar me një mesazh të gjatë e tronditës, ku ajo tregon momentet e fundit, sakrificat e përbashkëta dhe dhimbjen që ka lënë pas vdekja e papritur e artistit.
Ajo rrëfen se Shpati ndërroi jetë “në krahët e saj”, në një periudhë kur ata ishin duke u përpjekur të siguronin dokumentet e nevojshme për djalin e tyre, me shpresë që ta çonin sa më shpejt në Itali për logopedi. Ajo shprehet se ishin shumë të lodhur, të stresuar, por gjithmonë të bashkuar për të mirën e djalit.
Reagimi i plotë i saj:
“Ndrove jetë në krahët e mi, o jetë…
Sa të lumtur ishim që më në fund Roelit po i bëheshin dokumentat në Itali, që të mund ta çonim sa më shpejt tek logopedët më të mirë. Sa jemi lodhur, sa jemi stresuar… dhe askush nuk e di!
Sa të afërt kemi qenë, sa bashkëpunues në privatësinë tonë, duke shijuar rritjen dhe zhvillimin e Roelit. Nuk prita të dëgjoje duke të thirrur babi… nuk prite, Shpat. Nxitoje dhe na le këtu vetëm, pa ty.
E le Roelin jetim, o Shpat…
Në kohën kur më së shumti kishte nevojë për ty.
Në kohën kur duart e tua i duheshin më shumë se kurrë.
Si t’ia shpjegoj Roelit që babi nuk është më?
Më thojë gjithmonë se do të më doje deri sa vdekja të na ndante… por pse u ndave nga jeta në krahët e mi, pse ma këpute zemrën kështu, o jetë?
Inshallah takohemi në Xhenet…
Allahu të deshi pranë vetes por unë mezi pres të zgjohem nga gjumi dhe të jesh këtu për ne.”
