Tekniku i Tiranës, Ardian Nuhiu analizoi humbjen 0-1 ndaj Teutës.
“Në fakt në momentin që të mungon Alvarez dhe Xhixha, dy futbollistë që jemi përqëndruar të jeni krijuesit e rasteve, ne nuk i kishim. Provuam me Patrik dhe Kobiljar, pjesën e parë kanë bërë jashtëzakonisht mirë. Patrik shërbeu për Tabeku dhe nuk arritëm të realizonim.
Donim ta fitonim ndeshjen, Haxhiu nuk kishte më tepër forcë të vazhdonte se 1 muaj jashtë. Xhixha kishte bërë vetëm 1 seancë me skuadrën. Nuk mendoj se sistemi na krijoi probleme, gabuam shumë topa në mesfushë. Kundërshtari ishte me 3 sulmues. Duhet të shfrytëzonim Rafën.
Ndoshta pjesën e parë, pak më shpejt duhet të qarkullonim topin. Ishim në mesfushë 3 kundër 2. Në bazë të analizës ishim munduar përmes qendrës më tepër, por shumë pak e shfrytëzuam Rafën.
Kemi ndeshje në vazhdim, Tare është i rëndësishëm. Ernest nuk është në gjendjen e duhur fizike. Ndoshta u mundua dhe dha maksimumin e tij, por ai ka qenë maksimumi i tij.
Rrëzim nga kategoria? Në asnjë moment nuk kemi frikë, dhe me skuadra të mëdha dimë të marrim pikë. Të përqëndrohemi te ndeshja e radhës, ta përgatisim në maksimum. Nuk shoh në asnjë moment shqetësim. Kemi skuadër të mirë dhe me kualitet, sot nuk morëm 3 pikët, por duhet të përgatitemi për ndeshjen e radhës”,- tha ai.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
