Partizani u trondit dje, pasi Flamurtari i vendit të fundit fitoi 1 me 4 në stadiumin “Arena e Demave”. Të kuqtë regjistrojnë shtatë javë pa fitore ku katër prej tyre prodhuan humbje. Për më tepër, plot 16 gola të pësuar e kanë kthyer situatën alarmante.
Nuk kishte ndodhur asnjëherë tjetër, që Partizani të pësonte katër gola si pritës tek “Arena e Demave”. Nëntori i vitit 2022 pa të kuqtë që të luanin ndeshjen e tyre të parë zyrtare në shtëpi.
Ky moment aktual shfaqet edhe si më i vështiri prej asaj kohe. Të kuqtë rrezikojnë të mbeten pa Europë, ndërsa aktualisht janë jashtë zonës Final Four.
Partizani është po ashtu pa trajner. Ekipi vazhdon përgatitjet në prag të sfidës me Egnatian, edhe pse nuk ka një zëvendësues pas largimit të Oltijon Kërnajës.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
