Drejtori i Përgjithshëm i Policisë së Shtetit ka firmosur ndryshimin e shefave të komisariateve në Shkodër, Berat, Mirditë, Fier dhe Mallakastër. Këta ndryshime janë lëvizjet e dyta të firmosura brenda dy javësh.
Me urdhër të Drejtorit të Përgjithshëm të Policisë së Shtetit, Ardi Veliu, janë urdhëruar disa ndryshime në Drejtoritë e rajonale.
Mësohet se ndryshimet janë fokusuar tek shefat e komisariateve, në qytetin e Shkodrës, Beratit, Mirditës, Fierit dhe Mallakastrës.
Lorenc Meta me detyrë shef komisariati në Shkodër është transferuar zv.drejtor për Hetimin e Krimit në Drejtorinë e Policisë Shkodër, ndërsa zv.drejtori i Policisë Shkodër, Skënder Hita, është emëruar zv.drejtor në Policinë e Gjirokastrës.
Ilir Dedja është emëruar shef komisariati në Shkodër, ndërsa Alfred Cenaj nga shef komisariati i Mirditës është komanduar shef komisariati në Berat.
Në Mirditë është emëruar Naim Lala, ndërsa ndryshime janë bërë edhe në komisariatin e Skraparit ku është emëruar Ermal Lulaj.
Lëvizjet e kryera me firmën e Veliut kanë sjellë edhe ndryshimin e krerëve të komisariateve të Fierit e Mallakastrës.
Ledio Ibrahimi, që mbante detyrën e Shefit të Komisariatit Mallakastër, u emërua Shef Komisariati në Fier, pas largimit rreth dy javë më parë të Henerigert Mitri, i cili u vendos drejtor i policisë së Lezhës.
Ndërkohë, Komisar Alfred Thaçi, i cili më parë mbante detyrën e Shefit të Hetimit të Aksidenteve në Komisariatin Rajonal Tiranë, është emëruar Shef i Komisariatit Mallakastër.
Këto ndryshime janë lëvizjet e dyta që drejtori i Përgjithshëm firmos brenda dy javëve.
Në fund të muajit shtator drejtori i Përgjithshëm i Policisë Rrugore Mit’hat Tola u zëvendësua nga Edmond Targaj.
Ndryshime pësuan dhe dy Drejtorët e Policisë në qarkun Durrës dhe Lezhë.
NDRYSHIMET NË POLICI
Shkodër- Emërohet Ilir Dedja
Mirditë- Emërohet Naim Lala
Berat- Emërohet Alfred Cenaj
Fier- Emërohet Ledio Ibrahimi
Skrapar- Emërohet Ermal Lulaj
Mallakastër- Emërohet Alfred Thaçi
Gjirokastër- Emërohet zv/dr Skender Hita
Shkodër- Emërohet zv/dr Lorend Meta
