Ministrja Mirela Kumbaro prezantoi sot në Asamblenë e PS Gjirokastër kandidatët për deputetë në zgjedhjet e 11 majit. Ajo shkruan se ne jemi shkuadra fituese për Gjirokastrën 2030.
“Sot kishim një ditë fantastike me Asambletë Socialiste të Gjirokastrës, Libohovës e Dropullit ku prezantuam 5 kandidatët e Partisë Socialiste për garën e 11 majit, profesionistë të shkëlqyer, njerëz që e duan qarkun e Gjirokastrës nga Krahësi i Memaliajt në Sotirë të Dropullit, dhe të gjithë të angazhuar për të çuar #përpara projektet në të 7 bashkitë tona. Në 11 maj memaliotët, tepelenasit, përmetarët, këlcyriotët, gjirokastritët, libohovitët e dropullitët – këtu dhe në #diasporë do ta kenë të qartë se Anila Dhimitri, Piro Dhima, Shyqyri Hysi e Tërmet Peçi me mua bashkë dhe me Partinë Socialiste janë alternativa e vetme e besueshme për të ardhmen europiane që të gjithë duam”, shkruan Kumbaro.
Ndërkohë takime të ngjashme për prezantimin e kandidatëve janë zhvilluar edhe me Asamblenë e PS në Tepelenë e Memaliaj. ©Argjiroja.net
