Nga Piro Dhima
Të nderuar miq, bashkëqytetarë e bashkëfshatarë!
Duke ju uruar një ditë të mbarë, dua të shpreh mirënjohjen time për Partinë Socialiste dhe Kryeministrin Edi Rama, për besimin dhe mundësinë që më dhanë duke më përfshirë në listën e kandidatëve për deputet per zgjedhjet e 11 majit, krahas Mireles, Termetit, Aniles dhe Shyqyriut.
Ky është një vlerësim i madh dhe një përgjegjësi që e marr me përkushtim të plotë.
Rrugëtimi im i bashkohet angazhimit të skuadrës socialiste si një mundësi për të vijuar punën për zhvillimin e mirëqenien ne Qarkun e Gjirokastrës dhe të gjithë Shqipërisë.
Si njëri prej jush, si në aktivitetin profesional dhe në jetën time të përditshme, do të jemi bashkë në çdo hap dhe përpjekje për fitoren e padiskutueshme të Partisë Socialiste ne 11 Maj.
Një falënderim i veçantë shkon për të gjithë ata që më kanë mbështetur dhe më kanë inkurajuar në këtë rrugëtim – familjen, miqtë, bashkëpunëtorët dhe çdo qytetar që beson në vizionin tonë për një Shqipëri më të mirë.
Faleminderit nga zemra për besimin dhe mbështetjen tuaj
Me respekt dhe mirënjohje,
Piro Dhima
