Në Kryegjyshatën Botërore të Bektashinjve përgatitjet për festëm e Sulltan Nevruzit janë drejt fundit. Ditën e mërkurë më 22 mars ky ambient do të pres me qindra besimtarë bektashinj nga Shqipëria dhe jo vetëm.
Dita e Sulltan Nevruzit e cila përkon me lindjen e Imam Aliut në Qabe simbolizon lindjen e shpresës dhe rigjallërimin e natyrës. Aktivitetet do të nisin në orën 10 e 15 minuta me një shfaqje të emrave të njohur të skenës se teatrit në vend.
Në vijim do të ketë performancë nga Ansambli i Këngëve dhe Valleve si edhe interpretim të tenorit të njohur Kastriot Tusha. Ceremonia do të kulmojë me fjalën e Kryegjyshit Botëror të Bektashinjve, ku risi këtë vit do të jetë dhënia e dy statujave të arta të Ehlibetit nga Haxhi Baba Edmond Brahimaj për personat që kanë kontribuar për Bektashizmin, Mehmet Malo dhe Kadri Morina.
Sulltan Nevruzi në Shqipëri është shpallur festë zyrtare në mars të vitit 1996, ndërsa prejardhja e kësaj feste është nga Persia ku ka edhe origjinën fjala Nevruz.
