I larguar nga futbolli i rëndësishëm Evropian prej afro 2 vitesh, emri i Mario Mitaj rikthehet të lakohet edhe një herë në Serie A, aty ku dikur ishte shumë prezent, përpara se të transferohet në Arabinë Saudite, madje për të shfaqën interes klube të mëdha si Juve e Napoli. Nga Arabia Saudite, mediat bëjnë me dije se ky mund të jetë sezoni i fundit i Mitaj tek ekipi i Al Ittihad.
Për anësorin kuqezi, gjithnjë sipas mediave saudite, kanë shfaqur interes disa klube në Itali, por pa bërë publike emra konkret. Mitaj mund të jetë një investim i rëndësishëm, kjo për shkak të moshës së tij, 22-vjeç, potencialit të tij të madh, por dhe vlerës së kartonit.
Aktualisht sipas “Transfermakt”, kartoni i Mitajt vlen 5,5 milionë euro.
