“Lidia ime, foshnja ime, sot është jetime nga prindërit e saj. Mendimet dhe lutjet e mia janë me të, ashtu si lutjet e të gjithë Greqisë … “. Fjalët e oficerit të policisë Christos Varfikos, shefi i veprimit të menjëhershëm, i cili ishte ai që mori në krahë foshnjën 11 muajshe të Caroline, janë tronditëse. Tre javë më parë, videoja ishte tronditëse me dëshminë e policit, i cili largoi foshnjën nga vendi i tmerrit ndërsa ajo qante me të madhe.
Pas zgjidhjes së çështjes dhe rrëfimit të burrit të viktimës, Babis Anagnostopulos, Chris Vardikos shkroi një postim në Instagram se “rrëfimi i autorit të krimit … dhe si ky i shkruar në thelb, epilogu i krimit që tronditi … Një epilog që askush prej nesh nuk donte të besonte se mund të kishte… e megjithatë e zeza absolute… me rrëfimin e tij, e zeza absolute vërshoi në shpirtin tim. Lidia “imja”, “fëmija im”, sot është jetim nga prindërit e saj mendimet dhe lutjet e mia janë me të, ashtu si lutjet e të gjithë Greqisë …’.
Polici 40-vjeçar, babai i një fëmijë të vogël, e kishte përshkruar, pas krimit, çdo gjë që ai e pa në orët e para të 11 majit. Sipas tij, ishte herët në mëngjes kur ata morën një thirrje për ndihmë. Ata nxituan në vendin e ngjarjes dhe gjetën fqinjin i cili kishte folur me burrin e Caroline, i cili më pas hyri në shtëpi nga dritarja e thyer dhe thirri një ambulancë.
Kur hynë në shtëpi dhe gjatë eksplorimit të saj, ata së pari panë qenin të varur dhe më pas kuptuan se “diçka tjetër ka ndodhur këtu, diçka e pazakontë”. Pastaj ata u ngjitën në papafingo dhe gjetën derën e hapur. Aty panë Caroline të vdekur dhe pranë foshnjën, e cila mbështetej tek nëna e tij.
“Pavarësisht se sa kohë kalon, është e thënë që një pjesë e zemrës sime do të ketë mbetur në këtë dhomë”, kishte thënë 40-vjeçari duke theksuar se: “Kur pashë fëmijën, u vrava shumë emocionalisht”.
