Java që lamë pas regjistroi disa ngjarje të rënda në qarkun Gjirokastër. Përmendim këtu përplasjen me armë në një lokal në lagjen ’18 Shtatori’, ku shtetasi Kristaq Llukani plagosi me armë dy shtetas nga Lazarati; Valentin Buci dhe Xhelo Gërveshi. Motivet e konfliktit nuk janë zbardhur ende. Autori i plagosjes i shpëtoi policisë, ndërsa kjo e fundit vuri në pranga vetëm bashkëpunëtorin e tij, shtetasin Paolo Xhaferi. Ngjarja ndodhi ditën e mërkurë në mbrëmje. Dy ditë më vonë, të premten, u shënua një aksident tragjik pranë fshatit Jorgucat.
Dy gra nga Lazarati; Sindi Krishti dhe Haxho Çela ndërruan jetë, ndërsa mbeti e plagosur Pranvera Gjini. Gratë ishin anës rrugës duke pritur autobusin, ku u përplasën me makinë nga shtetasi Leonidha Klemo nga Grapshi, i cili u aksidentua nga policia. Dyshohet se drejtuesi i mjetit ishte i përgjumur në momentin që shkaktoi aksidentin. Hetimet vijojnë. Të dielën në fshatin Katundishtë të Këlcyrës, u gjet i varur në kasollen e bagëtive një 14-vjeçar, E.D. Trupi i viktimës u gjet nga nëna e tij. Shkaqet që e shtynë të miturin drejt vetëflijimit mbeten të paqarta.
©AgjiroLajm.net
