Kompania farmaceutike amerikane “Johnson & Johnson” tha se ka nisur fazën e tretë të testimeve për vaksinën e mundshme kundër COVID-19. Për zbatimin e testit të vaksinës pritet të regjistrohen 60 mijë vullnetarë në 3 kontinente për të studiuar sigurinë dhe efikasitetin e një doze të vetme të vaksinës në parandalimin e koronavirusit. Drejtori ekzekutiv, Alex Gorsky në një deklaratë tha se kompania do të kujdeset për “standardet e sigurisë” dhe “transparencës” gjatë testimit. Kompania me bazë në Neë Jersey të SHBA-së tha se synon të sigurojë 1 miliardë doza të vaksinës së suksesshme çdo vit.
Platforma është përdorur për të vaksinuar më shumë se 100 mijë njerëz deri më sot përmes programeve të ndryshme të vaksinave. Ndërsa numri i rasteve globale të COVID-19 ka shkuar mbi 31.6 milionë më shumë se 970.000 njerëz kanë humbur jetën, tregojnë të dhënat e universitetit “Johns Hopkins”.
