Ish-presidenti Bujar Nishani, ka analizuar faktorët që sollën humbjen e PD në zgjedhje. Sipas tij, demokratët nuk arritën ta fitonin dot kontrollin në terren edhe pse kishin përballë një PS që futej në zgjedhje me imazh të konsumuar dhe skandale në 8 vite qeverisje. Sipas tij, PD i mungoi organizmi në terren dhe logjistika në marrjen e votave.
“Kam konstatuar një fenomen që ka qenë i pakontestueshëm nga zgjedhjet në zgjedhje.
Përfaqësuesit komisioner të PS, në momentin që mbyllej qëndra e votimit në 20 të darkës, komisionerët e tyre në atë qëndër votimi e dinin me saktësi sa vota kishin.
Unë kisha një informacion për këto zgjedhje dhe e ndava me kolegë të ndryshëm që nuk e di sa e morën parasysh. Partia Socialiste përpara se të hynte në fushatën elektorale kishte informacionin e saktë për pjesmarrësit në zgjedhjet e kaluara lokale ku PD nuk mori pjesë. Ata kanë bërë kontakte të drejtpërdrejta me atë pjesë të elektoratit që nuk kishin siguri për votat e tyre.
Dy partitë kishin dy elementë në këtë fushatë. Elementi parë ishte imazhi dhe morali.
PD dhe aleatët hynin me moral të fituar në fushatë, sepse PS hynte me një imazh të konsumuar, nga 8 vitet e qeverisjes me skandale.
Beteja ishte a do ta fitonte dot kontrollin e territorit PD. Fakti që në territor PD ishte e dobët me organizimin në strukturë, me logjistikë dhe në mënyrën e marjes së votave kjo e bëri diferëncën”, tha Nishani!
