Tirana ka nisur zyrtarisht negociatat me mesfushorin titullar dhe njëkohësisht kapitenin e skuadrës së Luftëtarit, shkodranin Behar Ramadani. Në fakt, Ramadani ka 2-3 muaj që është në “orbitën” e merkatos së Tiranës dhe jo vetëm. “Rtshsport” ka konfirmuar nisjen e negociatave zyrtare të 24 herë kampionëve me mesfushorin shkodran, i cili do t’u bënte mjaft punë dhe do t’u mbyllte një “gropë” në qendër të mesfushës, pasi Ramadani ka eksperiencë në Superiore por është edhe një futbollist mjaft të fortë.
Por, duket se tashmë është gjithçka në dorë të skuadrës së Luftëtarit. Bluzinjtë duan që të përfitojnë ashtu si dhe me Eduart Rrocën e Shkurtajn për të mbushur arkën duke qenë se tashmë jemi në periudhë merkatoje.
Varet nga oferta e Tiranës, nëse do të bind presidentin e bluzinjve Tavo, apo ky i fundit do të heqë dorë dhe do ta mbajë Ramdanin si pjesë të rëndësishme të skuadrës që synon mbijetesën në elitën e futbollit shqiptar këtë sezon.
