Sot në Gjirokastër pati një ngjarje të rëndësishme. Nisja e procesit të vaksinimit tek të moshuarit që jetojnë në qendrën rezidenciale dhe te mjekët, ka një domethënie të madhe betejën e vështirë që kemi me Covid. Reagimet në rrjetet sociale ishin të shumta, por ra në sy gjithashtu edhe heshtja e përfaqësuesve të opozitës në Gjirokastër. Tritan Shehu e Vangjel Tavo, që s’lenë rast pa folur për pandeminë, dhe shumë mirë bëjnë, nuk gjetën kohë të bënin dy radhë në Facebook për nisjen e vaksinimit në Gjirokastër.
Së paku ta përshëndesnin si mjekë që janë të dy këtë ngjarje me rëndësi. Nuk po kërkojmë të thonë “rroftë Edi Rama” dhe as të ndalin akuzat për qeverinë lidhur me menaxhimin e pandemisë. Por si Tritani ashtu edhe Vangjeli, kanë zgjedhur të heshtin nga frika se nëse përshëndesin këtë proces jetik për qytetarët, kauza e tyre opozitare do të zhvlerësohet. Në fakt e kundërta është e vërtetë. Heshtja e tyre sot dëshmon ligësinë e tyre edhe atëhere kur Gjirokastrës i ndodh dicka e mirë.
S’ka dyshim që vaksinimi është dicka e mirë. Ta akuzojmë dhe shajmë Edi Ramën nga mëngjesi deri në darkë për pandeminë apo qeverisjen, por së paku le ta përshëndesim vaksinimin si një zhvillim që shton shpresën se do të çlirohemi nga Covid 19. Nuk ju ikin votat nëse bëni një akt të tillë, përkundrazi edhe ata që s’kanë ndërmend t’ju votojnë do e vlerësojnë gjestin tuaj.
©argjiroja.net
