Në prag të pushimeve verore media prestigjoze “CNN”, ka listuar vendet më të bukura të cilat qytetarët ja vlejnë t’i vizitojnë.
Në mesin e shumë perlave qëndron edhe Shqipëria. Në artikull shkruhet se Shqipëria është një perlë mesdhetare e cila ka të ngjarë të jetë më pak e mbushur me njerëz këtë verë, krahasuar me Greqinë apo dhe Kroacinë.
Sipas këshilltares së udhëtimeve në EMBARK Beyond, Joao Donadel, vendi ynë ka një vijë bregdetare të mrekullueshme me plazhe të pacënuara. Më tej në artikull thuhet se Butrinti, një sit i Trashëgimisë Botërore të UNESCO-s është një vend perfekt për të shëtitur, ecur apo dhe për tu eksploruar.
