Një tjetër vend europian pezullon përdorimin e vaksinës AstraZeneca

Portugalia ka njoftuar se ka pezulluar vaksinën e AstraZeneca si një “masë paraprake”  pas raporteve të pacientëve që kanë pësuar mpiksje gjaku pas inokulimit. Franca, Gjermania, Italia dhe Spanja gjithashtu kanë pezulluar përdorimin e vaksinës AstraZeneca.Sipas autoritetit kombëtar shëndetësor, vendimi erdhi si rrjedhojë e raporteve të mpiksjes së gjakut tek pacientët e vaksinuar. Edhe pse Agjencia Europiane e Barnave (EMA) tha se përfitimet e vaksinës AstraZeneca tejkalojnë rreziqet, shumë vende kanë njoftuar se do të pezullojnë përdorimin.