Më shumë se sa pozitat në Champions, Man.City ishte një test i fortë për Xabi Alonson, një provë e fortë për të kuptuar nëse është trajneri i duhur për të vijuar projektin post Ancelotti. Aloso dhe Reali zhgënjyen sërish, këtë herë duke pësuar një humbje me përmbysje në “Bernabeu”. Pas ndeshjes, Alonso nuk u shfaq i shqetësuar për pozicionin e tij, por më shumë u ndal tek detajet e këtij takimi dhe mungesën e Mbappe:
“Jam i përqendruar te ndeshja e radhës. Gjëja më e rëndësishme këtu është Real Madrid. Bëhet fjalë për ekipin, lojtarët dhe mënyrën se si mund t’i ndihmoj ata. Nuk ka të bëjë me mua. Si është gjendja e Mbappe? Nuk ishte në gjendje të luante, nuk e dimë nëse do të jetë në ndeshjen e radhës kundër Alaves”, u shpreh Alonso.
Në lidhje me situatën që po kalon Alonso u përfshi edhe Rodrygo: “Edhe për të është një moment i vështirë. Gjërat nuk po shkojnë mirë. Duhet t’i tregojmë njerëzve se jemi në anën e trajnerit tonë. Po thuhen shumë gjëra. Kemi nevojë për të qëndruar të bashkuar për të ecur përpara”, u shpreh Rodrygo.
Çuditërisht, i pakënaqur, u shfaq edhe Pep Guardiola edhe pse ekipi i tij doli nga Bernabeu me një fitore të madhe: “Ky duhet të jetë një mësim i mirë për të ardhmen, sepse ky nivel nuk është i mjaftueshëm. Kam qenë këtu shumë herë në 5 vitet e fundit, kemi luajtur shumë më mirë se sot por nuk kemi fituar. Ky është realiteti, por më duhet ta pranoj. Realiteti është se në fazat e mëvonshme të Champions duhet të bëjmë më mirë”, u shpreh Guardiola.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
