Trajneri i Partizanit, Oltijon Kërnaja dha opinionin e tij pas humbjes 1-0 ndaj Vllaznisë.
“Duhet të fusnim topin në rrjetë, kjo është ajo që duhet të bënim më shumë, asgjë tjetër. Me rastet që kishim duhet të shfrytëzonim momentet. Nuk duhej më shumë filozofi ose intepretime të tjera. Sot kishim përgatitur filozofi tjetër, në momentin e fundit dy lojtarë ishin me temperaturë dhe ndërruan komplet çfarë duhet të bënim.
Skuka ka qenë me temperaturë 3 ditët e fundit, nuk përballonte më shumë se 20 minuta. Nuk është stërvitur fare 3 ditë. Toma dhe Diego janë me tipare të njëjtë, menduam pjesën e parë të shfrytëzojmë njërin dhe të dytën tjetrin. Nuk mund të luajmë 3-5-2 me dy lojtarë që janë “box” ose në zbritje, dhe që nuk është asnjë thellësie që të shkonte si Skuka 3-4 herë. Kjo ishte arsyeja, provuam 20 minuta, ekipi shkoi mirë dhe rrjedhshëm. Kishim rastet, sidomos me Sidibe. Fatkeqësisht nuk shënuam, atëherë të mendojmë për ndeshjen e radhës.
Mos harrojmë se nuk po stabilizojmë dot mbrojtjen, mendojmë të luajmë me Prekën po ka 6 muaj që vuan nga një dëmtim. U dëmtua Marku, u dëmtua Atanaskoski, në çdo ndeshje kemi një të ri dhe automatizmat nuk vijnë aq shpejt. Jam shumë i kënaqur me Buxhelajn. Katërshja e mbrojtjes nuk ka luajtur bashkë. Buxhelaj, Bytyçi, Sembene dhe Martinez mund ta kenë ndeshjen e parë bashkë. Dhe Kote me Ismailin, si numër 6, Kote nuk e ka pozicionin e tij, por ishim të detyruar. Prandaj mund të kemi çaluar në pjesën difensiv.
Ne bëmë një manovër pjesën e parë, futëm Martinez drejt qendrës që të merrnim Jagon. Ndoshta dhe kushti i fushës, ndoshta dhe pasi nuk ishte i saktë. Vllaznia luan një kundër një me mbrojtësit e krahut ose sulmuesit. Doli dy-tri herë, thjesht mungoi cilësia e pasimit. Në minutën e 12-të, falë kësaj mënyre loje, dolëm te porta me Hjumen, pa porter goditëm jashtë. Pjesën e dytë tentuam me disa lojtarë. Mund të luanim me 3-5-2 ose 3-4-2-1 si provuam, por duke qenë se nuk kemi pasur lojtar të profilit aty, lojtari Sidibe që pasoi dje ka ardhur. Skuka nuk ishte në gjendjen e tij më të mirë. Lojtarët aty ishin, sinkronizimi aty ishte te rasti. Thjesht ishin një kohë me vonesë, por që duhet ta punojmë. Na ngelet ne trajnerëve. Ishalla nuk kemi dëmtime dhe viruse, që të mendojmë për ndeshjen tjetër. Kemi munduar maksimumin. Provohet një javë diçka dhe ndodh diçka tjetër. Djemtë dhanë maksimumin, por ndodh që të mos shënosh.
Ne kishim përgatitur që të nisnim topin, të fusnim 6 në qendër dhe të luanim 3 sulmuesit tonë në gjithë gjerësinë me 3 kundërshtarët e tyre. Dhe zonat që merrnin Bintsuka, që merrte Gurishtën, atë zonën mes Gurishtës dhe Gjinit duhet ta merrte Hjumen siç ndodhi te rasti. Ndoshta mungoi pasi, terreni shumë i lagësht. Duke ditur se mbrojtësit e Vllaznisë nuk shtyjnë shumë me topin, vetëm Gurishta, mjafton vetëm Toma presing dhe do dilte. Ngelet për t’u punuar, jam shumë i kënaqur me djemtë. Vllaznia është ekipi më në formë i momentit. 1 me 0 nuk është as fundi i botës.
Mungesat? Nuk jam justifikuar. Ne kemi thënë që ekipi ka shumë lojtarë, ndoshta pak e vështirë për ndonjë lojtar që nuk luan në pozicionn e vet se Bintsuka nuk është uinger, ne kemi thënë se klubi i shëndetshëm. Janë dëmtuar të gjithë numrat 8 në ekip, fati ynë i keq. Aty jemi munduar të fusim ndonjë lojtar që nuk është në pozicionin e vet, që na ka humbur “box to box”. Nuk kemi pse justifikohemi. Puna e trajnerit kjo është, të marrë më të mirën dhe t’ju japë maksimumin të gjithëve. E kam thënë, Partizani ka numër të lartë lojtarësh, mund të marrim nga B dhe U-19. Jemi po aty. Ka qenë dhe rastësi, janë dëmtuar lojtarë në po të njëjtin pozicion. Na ka vënë në problem në manovrën sulmuese”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
