KQZ zëvendëson komisionerët e Partisë Demokratike për zgjedhjet e 18 qershorit.
Vendimi u miratua me 4 vota pro dhe dy kundër në mbledhjen e radhës të Komisionit, e cila u shoqërua me debate pasi përfaqësuesit e opozitës pretenduan se shumica e këtyre qytetarëve janë anëtarë dhe militantë të majtë.
Përfaqësuesit e mazhorancës i kërkuan opozitës që të paraqësë prova për këtë pretendim, në mënyrë që të merren masa për ti hequr nga lista personat që nuk plotësojnë kriteret.
Janë 90 qytetarë, komisionerë rezerve që do të zëvendësojnë përfaqësuesit e opozitës në rast bojkotit të tyre. Gjithsej në KQZ aplikuan 213 qytetarë për komisionerë. Ndërkohë në KQZ u regjistruan disa parti politike për zgjedhjet e 18 qershorit, mes tyre edhe Partia Komuniste e Shqipërisë.
