Sekretari i Përgjithshëm i PS-së Taulant Balla po kalon disa ditë pushime në Sarandë. Por duke qenë se koha ditët e fundit ka qenë e papërshtatshme për plazh, pasi dielli ka munguar, Balla e ka shfrytëzuar duke peshkuar, pasioni i tij. Balla ka publikuar fotot dhe duket se gjuetia nuk i ka shkuar aspak keq pasi në grep ka rënë një peshk goxha të madh dhe këtë e tregon dhe në postimin e tij. Me sa duket mesazhi i tij është i qartë për kapjen e peshqve të mëdhenj.