Xabi Alonso feston për suksesin e parë në derbi, një fitore e rëndësishme, në një moment delikat, ku në Madrid vijon të diskutohet ende në lidhje me të ardhmen e tij. Sigurisht, ky ishte një derbi kompleks ku ekipi i tij vuajti jo pak, ndërsa nuk mund të mungonte dhe një koment në lidhje me përplasjen Vinicius-Diego Simeone:
“Objektivi ishte finalja dhe ia arritëm. Të shënosh një gol kaq shpejt në një derbi të jep një avantazh të rëndësishëm, por më pas duhet të dish të vuash. Goli i Valverdes? Ishte një gol që e kërkonte prej kohësh, e meritonte, u shpreh Alonso duke u ndalur më pas te përplasja Vinicius-Simeone:
Nuk më pëlqeu. Të thuash ato gjëra nuk është etike, nuk është ajo që duhet të shprehim në fushë”, theksoi Alonso. Në konference për shtyp, Diego Simeone, pranoi atë që dha fusha, por nuk preferoi të komentojë shkëndijat me Vinicius gjatë gjithë kohës:
“Goli i Valverdes ishte i jashtëzakonshëm, një goditja fantastike. Ta gjesh veten kaq shpejt në disavantazh nuk është e lehtë, por më pas zhvilluam ndeshjen që dëshironim. Përplasja me Vinicius? Gjërat që ndodhin në fushë qëndrojnë aty. Nuk kam asgjë për të thënë. Nuk e mbaj mënd se çfarë i kam thënë, kam një memorie të komplikuar”, u shpreh Diego Simeone.
Sipas mediave, gjatë gjithë ndeshjes, Simeone iu drejtua Vinicius me fjalët: Fiorentino po të larguan, nuk të duan etj.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
