PSG vijon dominim total, me sheikët francez që bëjnë për vetë një tjetër trofe, këtë herë Superkupën e Evropës duke triumfuar në finale përballë një tjetër ekipi Anglez, Aston Villa. Luis Enrique konfirmon se është i pagabueshëm në finale, siguron trofeun e 6-të Evropian, 3 Champions League dhe 3 herë Superkupën e Evropës.
Në “Red Bull Arena” të Salzburgut, PSG kaloi në avantazh në minutën e 20-të me Kvaratskhelia-n që realizoi një super gol, me yllin gjeorgjian që vërtetoi edhe një herë se është një “top-player”, madje një kandidat potencial për të fituar “Topin e Artë”. Në fundin e pjesës së parë, Aston Villa barazoi shifrat në 1-1 me një 17-vjeçar si Brian Madjo. Në pjesën e dytë, në minutën e 61-të ishte Doue që realizoi golin e dytë për PSG, një gol i konfirmuar nga VAR. Rezultati mbeti i pandryshuar deri në fund, me PSG që nis sezonin e ri me një trofe të rëndësishëm. Për Emery ku trofe mbetet një mallkim pasi në 5 raste nuk ka fituar asnjë herë.
Pas ndeshjes, Luis Enrique i gëzohet këtij trofe, por as që ka ndërmend të ndalet, egoja e tij dhe e klubit është mbrojtja e titullit në Champions: “Ishte e rëndësishme të fitonim këtë trofe, por nuk është e lehtë të përgatitësh sfida të tilla në këtë pikë të sezonit. Vërtetuam edhe një here se jemi një skuadër me ambicie që e di se çfarë kërkon dhe se çfarë duhet të bëjë në fushë. A është tani objektiv titulli i tretë radhazi në Champions? Nuk është vetëm çështja për të fituar trofe, por e rëndësishme është mënyra se si i arrijmë, duhet të vazhdojmë kështu”, u shpreh Luis Enrique.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
