Ka shkuar në dhjetë numri i rasteve të konfirmuara të mutacionit Omicron në Greqi. Nga pesë të identifikuar në ditët e mëparshme, pesë të tjera u zbuluan sot. Deri më tani ka pasur pesë raste të konfirmuara, katër prej të cilave përfshijnë udhëtarë nga Afrika e Jugut dhe Franca, dhe i pesti është kontakt i ngushtë me udhëtarët.
Të dhënat padyshim që nuk i habitin shkencëtarët, të cilët kanë vënë në dukje se me shpejtësinë e transmetimit të Omicron në Evropë, është vetëm çështje kohe që ai të përhapet në Greqi. Masat e zbatuara në portat hyrëse të vendit e kanë vonuar hyrjen dinamike të mutacionit, megjithatë ajo është konsideruar si një çështje kohe.
Sezoni i festave, që nënkupton rritje të lëvizshmërisë së popullsisë, brenda dhe jashtë vendit, me udhëtime, tubime, vizita, në fakt rrit ndjeshëm “mundësitë” për qarkullimin e Omicron në Greqi.