DEKLARATE E OMONIA
Pak ditë më parë Kryeministri i vendit z. Edi Rama dhe dje Ministri Drejtësisë z. Ulsi Manja – për nga kompetenca shumë më afër çështjes – me deklaratat e tyre publike përpiqen të marrin distancë sigurie nga çështja e mbajtjes në burg dhe për më tepër privimi i të drejtave dhe detyrimeve politike si Kryetar Bashkie i zgjedhur, i z. Fredi Beleri.
Të dakordësuar bëjnë fjalë për çështje që i përket drejtësisë. Në të njëjtën kohë kur juristë me integritet profesional, opozita dhe kryesisht ne si interpretë politikë të Minoritetit Etnik Grek, e konsiderojmë çështjen si persekutim politik dhe të stisur nga shërbimet shterërore. Në seancë gjyqësore madje pati pohime si të autoriteteve të policisë së shtetit edhe të “dëshmitarit të florinjtë” se të parat paguan peshkatarin për të provokuar zyrën elektorale të z. Fredi Beleri – në atë kohë kandidat dhe tanimë Kryetar Bashkie – në gjoja allishverish blerje votash.
Ky skenar i stisur keq u rrënua në sytë e opinionit publik. Ndërkaq që përmendja e vazhdueshme nga Kryeministri dhe Ministri i Drejtësisë me frazën stereotipe se “është çështje e drejtësisë” në thelb përbën paralajmërim për gjykatësit që të mos ketë vendimarrje me integritet profesional dhe ndërgjegje të guximshme, por për të vijuar në mbulimin e kurrthit jo ligjor.
Kurrth që vijon së krijuari fakte të kryera të paligjshmërisë në zonën e Himarës në veçanti përsa i përket grabitjes së pronës në shërbim të interesave okulte të rrethin Kryeministror.
Tanimë janë të ekspozuar dhe konfirmohet e drejta jonë duke mos qenë të vetmit që i denoncojmë në emër të komunitetit lokal.
Në këtë periudhë kohore, nga zgjedhjet e Majit, në Bashkinë Himarës mbizotëron gjendje e mjegullt ku autoritete shtetërore përmes ish Kryetarit të Bashkisë dhe të emëruarit e tij, impenjohen në dhënien e shërbimeve të fundit interesave ekonomikë ilegalë dhe marrveshjeve të errëta të interesit.
E ekspozuar në këtë shkallë, kundrejt Minoritetit Etnik Grek, komunitetit lokal të Himarës dhe pjese të konsiderushme të opinionit publik në vend, propaganda qeveritare përpiqet t{i largohet thelbit të çështjes. As më shumë e as më pak përpiqet ta paraqes atë si një konflikt mes Athinës dhe Tiranës ndërsa në fakt është çështje që vetë Qeveria krijoi dhe për këtë është përgjegjëse.
Si OMONOIA ngulim këmbë se zbatimi rigoroz i kritereve të Kartës së Kopenhagës për vendet kandidate për integrim në BE duhet me rreptësi dhe pa asnjë zbritje pretekstuale të aplikohet edhe në rastin e Shqipërisë.
Në realitet dëshmohet qartazi si përkushtimi i MEG në vizionin e perspektivës integruese të Shqipërisë sikundër mbështetja e drejtë koherente e Athinës për Tiranën në këtë drejtim.
Është tentativë shtantazhimi ndaj procedurave të institucionalizuara dhe vetë institucionet që: me drejtësi të manipuluar, me korrupsion që ja del me sukses të rrëmbej pasuri të qytetarëve ose komuniteteve kishëtare, me trajtim autokratik të pushtetit që në fakt ka përjashtuar rolin e opozitës dhe komunitetet e minoriteteve, me shkelje abuzive të rregullave për procese elektorale të drejta dhe të besueshme, të vetë të drejtës për vetidentifikim të qytetarëve që i përkasin MEG, me përhapje në terren Europian të propagandës së urrejtjes nacionale dhe antihelenizmit, Qeveria Rama të jetë duke kërkuar çeljen thelbësore të procedurave integruese.
Makineria propagandistike e urdhëruar me “analistët politikë” militantë kanë instruksione të qarta dhe po punojnë me zell.
Janë në një përpjekje të dëshpëruar për të krijuar korelacione që i shërbejnë fabulës politike të Qeverisë së z. Edi Rama: rivendosja e rendit ligjor në Himarë, betimi dhe marrja e detyrave nga ana e Kryetarit të zgjedhur të Bashkisë janë thjeshtë pretendim i Athinës.
Dhe më tej akoma mungesa e vullnetit nga ana e Tiranës për të përbmushur detyrimet dhe kushtet paraprake për hapjen e negociatave integruese me Komisionin e Be, paraqitet në opinion si veto e Greqisë!!!