Drejtuesi politik i PS-së, Bledi Çuçi, ka publikuar në faqen e tij në Facebook një video ku që tregon kontrastin e madh te “Kodra e Shtufit”, aty ku para disa kohësh pati një rrëshqitje masive të dheut dhe u rrezikua një pallat. Pas investimit të qeverisë situata aty është krejt tjetër. Në videon e publikuar nga Çuçi flasin edhe banorë të lagjes.
“Banorët e lagjes “Kodra e Shtufit” në Gjirokastër e mbajnë mend çfarë ndodhi rreth 3 vite më parë. Po të mos kishim bërë investimin që shohim sot nuk rrezikonte vetëm pallati ku vërshoi balta, por e gjithë ajo zonë e mbushur me ndërtime të ngjashme. Ne do të dalim faqebardhë nga këto zgjedhje sepse s’kemi të krahasuar me ata që janë prapa nesh e që mezi presin të vijnë në pushtet për të rrënuar e bërë rrëmujë gjithçka. Imagjinojeni vetë sikur kjo që ndodhi te “Kodra e Shtufit” të ngelej në dorë të tyre se çfarë do të kishin bërë. Asgjë! Le më pastaj tërmeti apo pandemia. Prandaj na duhet që më 25 prill të vazhdojmë së bashku punët që kemi nisur dhe të mos e lemë Shqipërinë të kthehet prapa”, shkruan Çuçi në faqen e tij në Facebook.
