Panajot Barka ka komentuar mungesën e ftesës së Athinës zyrtare për kryeministrin Edi Rama në darkën informale të shtruar nga kryeministri grek, ku ishin të pranishëm krerët e shteteve të Ballkanit Perëndimor.
Gjatë një interviste për A2Cnn, Barka thotë se Rama e Mitsotakis janë miq të ngushtë, por sipas tij ngatërrimi i çështjes Beleri me perspektivën europiane të Shqipërisë krijon probleme të mëtejshme. Sipas Barkës refuzimi i kreut të shtetit për të qenë në Athinë ishte një vendim i gabuar.
“Besoj se përgjigjja negative e Presidentit të Republikës nuk i përgjigjet perspektivës së vendit as klimës së marrëdhënieve që duhet të ecin pavarësisht çështjes Beleri. Ngatërrimi i kësaj situate krijon probleme të mëtejshme. Besoj se kemi të bëjmë me një përshkallëzim të klimës së ftohtë midis dy vendeve dhe kjo besoj që nuk është e favorshme për të dy palët, sidomos për Shqipërinë. Mendoj se duhet të tregohet një pjekuri diplomatike”, tha Barka.©argjiroja.net
