Emisioni i njohur “Goca dhe Gra” rikthehet zyrtarisht në ekran më 30 shtator, dhe sezoni i ri pritet të sjellë jo vetëm diskutime të forta, por edhe ndryshime në përbërjen e panelit që kanë ngjallur interes të madh në publik.
Pas konfirmimit të Sherina Spahiut, motra Jona Spahiu, si një nga emrat që do t’i bashkohet tryezës së moderatoreve, bëhet me dije se një tjetër emër i spikatur që pritet të jetë pjesë e formatit është aktorja dhe intelektualja Ema Andrea. Gjithashtu, përflitet edhe Anila Basha, ish-kryeredaktore dhe zë i njohur i medias.
Burime të afërta me produksionin bëjnë të ditur se fokusi këtë sezon do të jetë më shumë në temat sociale, çështjet gjinore, si dhe historitë personale të të ftuarve, duke ruajtur tonin e drejtpërdrejtë dhe shpeshherë provokues që e ka karakterizuar programin. Pra deri më tani këto janë tre emrat surprizë që do të ulen në karriget e moderatoreve.
Ndërkohë, publiku vazhdon të spekulojë për emrat e tjerë që do të ulen në panel, ndërsa padurimi për fillimin e sezonit të ri është në rritje. Si mendoni ju, a do të ndikojë ky panel i përzier mes zërave të rinj dhe figurave me peshë në tonin dhe drejtimin e sezonit të ri të “Goca dhe Gra”?
The post Paneli i ‘Goca dhe Gra’ zgjerohet: Pas Sherinës, dy moderatore të reja në tryezë appeared first on iconstyle.al.
