Prej javësh, emri i ish-banores së Big Brother VIP Kosova 3, Ana Ejupi, ka qenë në qendër të vëmendjes së mediave rozë dhe rrjeteve sociale, pas spekulimeve për një shtatzëni të mundshme. Lajmi u përhap me shpejtësi, duke u diskutuar gjerësisht nga ndjekësit, ndërsa vetë Ana zgjodhi të qëndrojë në heshtje, pa e konfirmuar apo mohuar asnjëherë.
Megjithatë, sipas burimeve të sigurta për Prive By Liberta Spahiu, rezulton se lajmi për shtatzëninë ka qenë i vërtetë. Fatkeqësisht, situata ka marrë një kthesë të vështirë, pasi ajo ka përjetuar një abort spontan, një ngjarje që ka ndikuar si në gjendjen e saj shëndetësore, ashtu edhe në atë emocionale.
Kjo periudhë e ndjeshme ka bërë që Ana të tërhiqet plotësisht nga vëmendja publike, duke shmangur ekspozimin dhe presionin e rrjeteve sociale. Për të përballuar këtë moment të vështirë, ajo ka zgjedhur të largohet përkohësisht, duke ndërmarrë një udhëtim në Amerikën Latine.
Gjatë qëndrimit të saj, që ka zgjatur rreth një muaj, Ana ka qenë e shoqëruar nga partneri i saj, Kevini, me të cilin nisi një histori dashurie brenda shtëpisë së BBVK. Prania dhe mbështetja e tij kanë qenë thelbësore në këtë periudhë delikate.
Sipas të njëjtave burime, ky udhëtim ka shërbyer si një mundësi për reflektim dhe rikuperim larg zhurmës mediatike.
