Paralajmërimi i ekspertit amerikan: Të vendosen masa të ashpra kufizuese ndryshe do të kemi mijëra të vdekur

SHBA është një nga vendet më të goditura në botë nga pandemia e Covid-19 ku deri më tani janë regjistruar 4.2 milion të infektuar dhe rreth 148 mijë të vdekur që nga fillimi pandemisë.
Teksa numri vazhdon të rritet dita ditës eksperti i shëndetësisë Anthony Fauci ka thënë se numri do të vazhdojë të rritet nëse nuk merren masa të ashpra për parandalimin e saj.
Ndër të tjera ai është shprehur se vaksina kundër Covid-19 nuk dihet se kur do të jetë gati duke shtuar se mënyra më e mirë për t’i bërë ballë sëmundjes vdekjeprurëse është që të zbatojmë rregullat.
“Nëse shikojmë numrin e viktimave që po ndodhin tani 1 000 çdo ditë të javës ne duhet ti marrim krahët pandemisë duke zbatuar masat e ashpra ndryshe ne do të kemi mijëra viktima në të ardhmen, ka shumë gjëra që mund ti bëjmë tani në mungesë të një vaksine.
Akoma nuk ka siguri të plotë se studimet për një vaksinë efektive që janë në fazën e tretë do të jetë produktive dhe do të mundet të ndalojë përhapjen e pandemisë Covid-19.
Në spitale ka pasur një rritje të theksuar të personave që shtrohen dhe në javët e kaluara kemi regjistruar një numër mbi 1 000 të vdekur në ditë.”-tha Dr. Anthony Fauci.
Ndërkohë presidenti Trump ka kërkuar që në disa shtete si Indiana, Ohio, Kentucky, Tenesi dhe Virginia të filloj hapja e ekonomisë me ritme më të shpejta, ekspertët e shëndetit, duke rekomanduar që “100% e njerëzve” të veshin maska në të gjitha vendet e mbyllura publike dhe që tubimet sociale dhe shtëpitë te jenë më pak se 10 njerëz./cnn.