Partizani do të ketë një ekip në këtë sezon, për të cilin do gëzojë arritjen në Europë. Bëhet fjalë për atë U-19, që u kurorëzua kampion duke lënë pas Laçin U-19.
Partizani U-19 i drejtuar nga Fatjon Muhameti e fitoi bindshëm kampionatin. Në fund e mbylli me 7 pikë më tepër se bardhezinjtë si ndjekësi më i afërt, ndërsa tashmë fokusi kalon tek Europa.
Ekipi do përgatitet për “UEFA Youth League” ku në short do gëzojë koeficientin 7.5, që rezulton nga ekipi i parë. Ky nuk ishte edicioni i parë që ekipi U-19 i afrohej shpalljes kampion. Megjithatë nuk shkonte më tepër se vendi i dytë apo tretë, teksa vetëm këtë herë ia doli.
Për Partizanin U-19 është arritje historike, pasi për herë të parë do përfaqësojë Shqipërinë në Europë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
