Skuadra e Luftëtarit, pasi ka lënë pas dështimin në Europë dhe telashet që lindën si rrjedhojë e akuzave për trukime, u është kthyer përgatitjeve për sezonin e ri nën urdhrat e trajnerit Milosh Koshtiç. Skuadra po përgatitet në Gjirokastër gjatë këtyre ditëve, ndërsa apo planifikon miqësore për javët në vijim.
Drejtuesit e klubit po mendojnë të dërgojnë ekipin për përgatitje në Greqi, në një lokalitet malor ku kanë qenë shpesh në vitet e fundit. Atje është vendosur që të luhen ndeshje miqësore me skuadra greke dhe sipas informacioneve nga vendi fqinj, është arritur akordi që tani me një skuadër nga kampionati vendas.
Bëhet fjalë për klubin e kategorisë së dytë greke, Karaiskakis FC, i cili do të zhvillojë në zonën malore të Vasilitsa përgatitjet për sezonin e ri. Miqësorja në fjalë është caktuar në gjysmë të gushtit dhe pritet të jetë ndeshja e fundit miqësore e gjirokastritëve para fillimit të sezonit të ri.
