Ish-finalistja e këtij edicioni të Big Brother VIP Kosova, Elijona, ka ndarë me ndjekësit e saj një mesazh tejet të dhimbshëm, duke kujtuar xhaxhain e saj të ndjerë, i cili humbi jetën tragjikisht disa ditë më parë në qytetin e Gjakovës. Ngjarja e rëndë, e shkaktuar nga armë zjarri, ka tronditur familjen dhe të afërmit e saj.
Përmes një postimi në rrjetet sociale, ish-banorja e shtëpisë më të famshme në Kosovë ka shprehur dhimbjen e thellë për këtë humbje të papritur. Ajo publikoi një fotografi në llogarinë e saj në Instagram, duke theksuar se kujtimi i xhaxhait të saj do të mbetet i gjallë përgjithmonë.
Në mbishkrimin e fotos, Elijona ka ndarë fjalë rrëqethëse që kanë prekur ndjekësit:
“Plumbat e morën jetën tënde, por kurrë nuk do ta vrasin kujtimin dhe forcën që na le pas. Do të më mungosh gjithmonë dhe kujtimet me ty do t’i mbaj përgjithmonë në zemrën time. U prehsh në paqe agji im”.
Postimi mban gjithashtu datën 16.03.2026, ditë që për të dhe familjen e saj ka lënë një boshllëk të madh dhe një dhimbje të thellë.
Reagimi i Elijonës është shoqëruar me komente të shumta ngushëllimi nga ndjekësit dhe miqtë e saj, të cilët i kanë qëndruar pranë në këtë moment të vështirë.
