Lëkundjet e tërmeteve që tronditën dje dhe sot Shqipërinë shkaktuan tronditje dhe panik te qytetarët. Tërmetet u ndjenë jo vetëm në Tiranë dhe Durrës, por dhe në qytete të tjera të vendit, ku janë regjistruar dhe dëme të lehta në disa banesa. Por tërmetet më të fuqishëm në historinë e vendit tonë kanë shkaktuar shumë viktima, të plagosur dhe dëme. Një prej tyre është tërmeti në Tepelenë më 20 nëntor të vitit 1920. Tërmeti 8 ballë shkaktoi 36 viktima dhe 102 të plagosur, si shkatërroi 2 500 shtëpi dhe la pa strehë 15 000 vetë. Dhjetë vjet më pas, në Vlorë dhe Tepelenë regjistrohet një tjetër tërmet, që shkaktoi 30 të vdekur dhe 100 të plagosur. Sipas specialistëve, dhjetëra tërmete të tjerë janë regjistruar gjatë këtyre viteve, por lëkundjet kanë qenë të lehta dhe nuk kanë shkaktuar viktima në njerëz si dhe dëme të mëdha materiale, me përjashtim të çarjes së mureve dhe suvave të shtëpive përgjatë kësaj zone.
© ArgjiroLajm.net