Marko Paunoviç është lojtari i fundit që është afruar nga Luftëtari në këtë merkato vere. Megjithëse periudha e hyrje-daljeve ka përfunduar, klubi gjirokastrit ka përfshirë në listën me 25 futbollistë të dorëzuar në FSHF me 31 gusht edhe futbollistin shtatlartë. 31-vjeçari vjen nga një dëmtim i gjatë dhe prej disa ditësh ka mbërritur në Gjirokastër.
Tashmë bëhet me dije se është gati të zbresë në fushën e blertë, mirëpo fillimisht duhet marrë “OK” e FIFA-s. Kësisoj trajneri Jorgos Marantas do të ketë një “armë” më shumë në repartin e prapavijës.
Pritet me interes të shihet nëse lojtari i afruar në fshehtësi të plotë, do të arrijë të bëjë diferencën në kampionatin shqiptar. Përvoja dhe eksperienca janë, pasi ka kontribuar në Finlandë dhe në Superligën serbe.
