Partia Demokratike ka mbledhur pasditen e sotme Kolegjin e kryetarëve, ku një nga pikat kryesore ka qenë vijimi i aksioneve opozitare në muajt në vijim.
Mediat pranë PD-së bëjnë me dije, se në këtë takim është vendosur që opozita e bashkuar dhe qytetarët tu rikthehen protestave në muajin shkurt. Protesta është menduar të zhvillohet në fund të muajit shkurt, mes datave 20 ose 22. Kujtojmë që protesta e fundit e opozitës së bashkuar është zhvilluar në 22 qershor.
Gjithashtu në mbledhje Basha ju ka kërkuar kryetarëve të tregojnë gatishmëri për zgjedhje të parakohshme dhe t’u qëndrojnë pranë qytetarëve.
Por marrëveshja e tij e re me Ramën ka zhgënjyer shumë elektoratin e djathtë. Basha që përbetohej të mos uljej me Ramën dhe të mos shkonte në zgjedhje me të, i ka gëlltitur të gjitha duke pranuar kështu edhe gabimin për djegien e mandateve dhe mospjesëmarrjen në zgjedhjet lokale të 30 qershorit.
